Os próximos meses de marzo, abril e maio, desde o grupo Armela retomamos o Seminario Xénero e Política. Como en ocasións anteriores, contaremos con investigadoras especializadas en xénero e política, as cales abordarán cuestións como o impacto da dereita radical na igualdade de xénero, as diferencias entre mulleres e homes na implicación política ou a centralidade dos coidados en tempos da Covid.

O próximo 26 de maio ás 12:00, a través da plataforma Teams, Angela O’Hagan (Glasgow Caledonian University) presentará a súa intervención centrada nas políticas de coidado e economía en tempos da Covid.

Anteriormente, Alba Alonso e Marta Fraile presentaron dúas sesións.

No mes de marzo, Alba Alonso abordou na súa presentación a análise da dereita populista radical dende a perspectiva de xénero, e explorou as conclusións principais das análises a nivel internacional así como as evidencias existentes para o caso específico de Vox en España.

E no mes de abril, Marta Fraile presentou a súa intervención centrada na fenda de xénero na implicación coa política.