Biografía

Profesora axudante doutora do Departamento de Ciencia Política e Socioloxía da USC. Doutora en Ciencias Políticas pola Universidade de Santiago de Compostela (2015) e Mestrado en Xestión Pública (2005) pola Universidade Pompeu Fabra, con máis de dez anos de experiencia no ámbito da investigación e no proceso de elaboración de políticas públicas. A través da súa tese de doutoramento, valorada con Cum Laude, analizou de forma pioneira o desenvolvemento das políticas municipais de xénero en Galicia e os factores que influían nas mesmas. Esta investigación deu lugar á publicación dun libro que leva por título “As políticas municipais de xénero en España. O caso dos municipios galegos” da editorial Laiovento (2018). A longo da súa traxectoria investigadora participou en diversos proxectos de investigación de ámbito estatal e autonómico, os cales se focalizaron principalmente na análise das políticas públicas de xénero e das políticas sociais. Boa parte do seu traballo de investigación veuse reflectido na autoría e coautoría de múltiples publicacións. Foi profesora asociada da Universidade de Oviedo e actualmente é profesora axudante doutora de Ciencia Política na Universidade de Santiago de Compostela e investigadora do grupo Armela. Na súa traxectoria profesional destaca tamén a experiencia directa no deseño e implementación de políticas públicas, ocupando postos de perfil técnico en varias administracións públicas, como a Generalitat de Catalunya, a Deputación de Barcelona ou o Concello de Granollers, e máis recentemente desempeñando o posto de asesora política no Concello de Santiago de Compostela. O movemento constante entre o ámbito da investigación e da academia e o ámbito de intervención directa na xestión pública influíu claramente nas súas investigacións e liñas de traballo, a través das cales buscou sempre realizar achegas que contribúan a unha mellor comprensión e abordaxe dos problemas públicos e sociais. Publicacións